XX. mendeko Euskararen Corpus estatistikoa
Testuingurua
1. kapitulua - Gerry, begira atzazal horiei!.Zeharo murgilduta zegoen nebarekin elkarrizketan iheste-hodi berri baten gorabeherei buruz eta Gerryk ez zuen amaren kexua entzun berriro esan zion arte.
- Zer gertatzen zaie nire atzazalei?- galdetu zuen harrituta; eta berehala irribarre egin zuen ama zergatik kexatzen zitzaion ohartzean.
HMP da - azaldu zion, horrek barkatuko balio bezala atzazalak beltz-beltz zituela mahaira etortzea.
Hasperen egin zuen Mari Jonesek.
- Badakit zer den, Gerry - esan zion erdi etsita.
Ez naiz azken hogeitaka urteotan auto-konpontzaile batekin ezkonduta egon lubrifikatzaile ezberdinetan espezialista bihurtu gabe.
Baina, laztana, mahaian eseri aurretik eskuak ongi garbitu behar zenituela esan nahi nizun.
Betoskoa jarri zuen Gerryk.
- Gizonei sekula ez diezu ezer esaten beren eskuei buruz - bota zion amari.
- Beren lanbidea dutelako, Gerry; baina ez da zurea - erantzun zion amak modu onean baina tinko.
- Oraingoz!- esan zion Gerryk bizi asko.
- Ikusiko dugu hori - erantzun zion amak; (...).